台灣國內線隱憂

近排比較屬目的航空新聞就係遠東航空財務困境, 最近發展係因為又再次出唔到糧俾員工, 航空公司既負責人引疚辭職. 不過近日台灣報紙既報導可能令遠航情況雪上加霜.


有報導指有12名遠航國際線機師因為英文考試唔合格俾台灣民航當局勒令停飛國際線, 直到合格為止.

件事在香港發生既話, 機師就會冇工返, 因為香港既航線全部都係國際線,以及所有飛機同控制塔溝通都係用英文. 不過在一d有國內線既地方, 仲會容許機師同控制塔溝通用返母語. 所以遠航果12位機師仲有工返.

如果機師既英文唔好, 好容易同控制塔有誤會. 少則好似國航機師咁在紐約甘迺迪機場搞出笑話, 重則既話會機毀人亡, 真係笑都笑唔出.



雖然12個機師話多唔多, 話少唔少. 不過台灣國內線航空公司國際線係冇駐目的地既機組人員, 呢次情況唔多唔少會在人手編排更緊張, 加重機師工作量.